Rais wa Shirikisho la Soka la Uhispania Rubiales ajiuzulu

Amechukua uamuzi huo baada ya kuandamwa kwa wiki tatu na kashfa za kumpiga busu mdomoni mchezaji wa Uhispania Jenni Hermoso wakati timu ya taifa ya Uhispania walipoibuka washindi wa Kombe la Dunia la Wanawake.

Shirikisho la Soka la Uhispania (RFEF) limethibitisha Jumapili usiku taarifa hiyo ya  kujiuzulu kwa Rubiales  na kubaini kuwa amejiuzulu pia katika wadhifa wake kama makamu wa rais wa shirikisho la soka barani Ulaya (UEFA). Awali Rubiales alikataa kujiuzulu na kusema mchezaji huyo wa kike aliridhia kitendo hicho, madai ambayo Hermoso aliyakanusha.

Mwezi Agosti, Shirikisho la soka duniani FIFA lilimsimamisha Rubiales na hivyo hakuruhusiwa kujihusisha na shughuli zozote zinazohusiana na mpira wa miguu.