Rais wa Halmashauri Kuu ya Umoja wa Ulaya ziarani Ukraine

Ziara hiyo ya kushtukiza ya Von der Leyen inafanyika siku chache kabla ya kuwasilishwa kwa ripoti ya Umoja wa Ulaya kuhusu hatua zilizofikiwa na Ukraine katika juhudi zake za kutaka kujiunga na Umoja huo.

Soma zaidi: Umoja wa Ulaya watofautina kuhusu msaada Ukraine

Tathmini hiyo iliyopangwa kuwasilishwa Jumatano inatarajiwa kueleza kwa kina jinsi Ukraine ilivyopiga hatua katika kutimiza vigezo kadhaa vikiwemo vya kiuchumi na kisheria ili kutoa nafasi kwa mazungumzo yatakayoanza mwezi Desemba. Ukraine iliyoomba kujiunga na Umoja wa Ulaya siku chache baada ya kuvamiwa na Urusi, inalipa kipaumbele suala la kujiunga na umoja huo.