የየመን ዉዝግብና የዓረቡ ዓለም

የሳውዲ ዓረቢያ የጦር አዉሮፕላኖች የሁቲ አማፅያን ኃይሎች የያዟቸዉን አካባቢዎች ደብድበዋል። በየመን ጦር እና በዐይን እማኞች ዘገባ መሠረት፣ ጥቃት የጀመሩት የሳውዲ ተዋጊ ጄቶች ዒላማ ያደረጉት በመዲናይቱ ሰንዓ በሚገኙት የሁቲ ሚሊሺያዎች ሠፈሮችን ነው። በየመን ውዝግብ ጣልቃ የገቡት የዉጭ ኃይሎች ወደሳዉድ አረብያ የሸሹት የየመኑ ፕሬዚደንት ከጥቂት ቀናት በፊት ያቀረቡትን የርዳታ ጥሪ በመቀበል መሆኑ ነዉ የተገለፀዉ። ኢራን በበኩልዋ የሳዉድ አረብያ በየመን ጣልቃ መግባትዋ ታላቅ መዘዝ ይኖረዋል ስትል አስጠንቅቃለች። የወቅቱ የየመን ጥቃት ሳዉድ አረብያንና ኢራንን ከእጅ አዙር ጦርነት ወደግልፅ ወደ ግጭት ያስገባ ይሆን? የሳዉዲ የብዙኃን መገናኛዎች ስለየመኑ ዉዝግብና ጦርነት ምን ይላሉ? ጅዳ ሳዉዲ የሚገኘዉ ጋዜጠኛ ነብዩ ሲራክን እዚህ አነጋግረነዉ ነበር።

ነብዩ ሲራክ

አዜብ ታደሰ
ሸዋዬ ለገሠ