ورلڈ پریس فوٹو ایوارڈز
سالانہ پریس فوٹو ایوارڈز کی بہترین تصویر ڈنمارک کے ڈینے میڈز نیسان کی کھینچھی ہوئی ایک تصویر قرار دی گئی ہے۔
روس میں ہم جنس پرستی
ڈنمارک کے ڈینے میڈز نیسان اس تصویر کے ذریعے روس میں ہم جنس پرستوں کے حالات پر روشنی ڈالنا چاہتے تھے۔ جیوری کے سربراہ مائیکل مِک نیلے کے مطابق اس تصویر کی جمالیاتی طاقت بہت زیادہ ہے۔
پناہ گزین
نیوز کی گیٹیگری میں اطالوی فوٹو گرافر ماسیمو سیستنی کی یہ تصویر دوسرے نمبر پر رہی۔ یہ تصویر ان پناہ گزینوں کی ہے، جو بہتر مستقبل کی تلاش میں سمندری راستے سے یورپ پہنچنے کی کوشش میں تھے اور اطالوی بحریہ اس ڈوبتی ہوئی کشتی کو بچانے کی کوشش کر رہی ہے۔
ایبولا وائرس سے متاثر
نیوز سٹوریز کی کیٹیگری میں پہلا انعام امریکی فوٹو گرافر پیٹر میولر کو دیا گیا ہے۔ سیرالیون میں بنائی گئی یہ تصویر ایبولا وائرس سے متاثرہ ایک شخص کی ہے، جسے علاج کے لیے ایک سینٹر میں لے جایا جا رہا ہے۔
ترکی میں مظاہرے
نیوز ہی کی کیٹیگری میں ترکی کے فوٹو گرافر بولینٹ کیلیج کی تصویر کو انعام دیا گیا ہے۔ اس تصویر میں ترک پولیس اہلکار استنبول میں ہونے والے ایک مظاہرے کے دوران ایک لڑکی کو گرفتار کر رہے ہیں۔
احتجاج اور دعا
ایک قدامت پسند پادری یوکرائن میں احتجاج کرنے والے شخص کے لیے دعا کر رہا ہے۔ کییف میدان میں ہونے والے مظاہروں کے دوران یہ تصویر فرانس کے فوٹو گرافر جیروم سیسنی نے بنائی تھی۔
چین کا مزدور
ایک چینی مزدور دھول سے بچنے کے لیے ایک نکولس ٹوپی اور ماسک پہنے ہوئے ہے۔ اس فیکڑی میں مسیحیوں کے مذہبی تہوار کرسمس کی سجاوٹ کے لیے اشیاء تیار کی جاتی ہیں۔ انیس سالہ رونگ ہوئی چن کی اس تصویر کو موجودہ حالات کی کیٹیگری میں دوسرا انعام ملا۔
ڈر اور خوف
کیٹیگری نیچر میں پہلا انعام چین کے فوٹو گرافر یونگ زی چو کو دیا گیا ہے۔ بندر اپنے مالک کے ڈر سے دیوار کے ساتھ چپک گیا ہے۔ اس جانور کو سرکس میں پرفارم کرنے کی تربیت دی جا رہی ہے۔
ماحول اور انسان
کیٹیگری نیچر ہی میں دوسرا انعام امریکی خاتون فوٹو گرافر ایمی وائٹل کو دیا گیا ہے۔ کینیا کے سامبورو جنگجو ایک گینڈے کو چھو رہے ہیں۔ شکاریوں نے اس جانور کی ماں کو قتل کر دیا تھا۔
فطرت
اس تصویر میں دکھایا گیا ہے کہ کیسے ایک کھمبی کی جڑیں ایک چیونٹی کے دماغ میں داخل ہو رہی ہیں اور اُسے چُوس رہی ہیں۔ اس خوفناک منظر کی عکاسی کے لیے امریکا کے آنند ورما کو فطرت سے متعلق موضوعات کی منظر کشی کے لیے پہلے انعام سے نوازا گیا۔