د بهرنیو محصلانو له پاره د آلمان په زړه پوري پوهنتونونه

دا پوهنتون د آلمان په هغه ښار کې موقعیت لري چې د دغه هیواد تر ټولو لوی کلتوري جشن «کارنیوال» ترسره کیږي. د دغه ښار اوسیدونکي د آلمان د نورو ښارونو په نسبت دوستانه چلند لري. د نړۍ له گوټ گوټ څخه دې پوهنتون ته محصلان راځي. له دغه ښار څخه د اروپا نورو لویو ښارونو لکه امستردام، بروکسل، او پاریس ته سړی د ریل په وسیله په څو ساعتونو کې رسیږي.

دا پوهنتون د آلمان د یو مشهور شاعر یوهان وولفگنگ فون گویتا، په نوم نومول شوی دی. فرانکفورت یو کثیرالثقافتي ښار دی او د لوړو ودانیو له امله شهرت لري. د ډیرو مالي ادراو او بانکونو مرکزي ادارې په دغه ښار کې دي.

په دې پوهنتون کې ۳۷ زره محصلان خپلې لوړي زده کړي پر مخ بیاې چې د آلمان له لویو پوهنتونو څخه شمیرل کیږي. په ۲۰۰۳ کال کې د ایس او دوئس بورگ پوهنتونونه یوځای شول.

په ۱۳۶۴ م کال د دغه پوهنتون بسټ ایښودل شوی دی چې د آلمان له پخوانیو پوهنتونونو څخه شمیرل کیږي. د پاکستان یو مشهور ملي شاعر علامه اقبال هم په دې پوهنتون کې د یو څه وخت له پاره زده کړي کړي دي.

دغه تعلیمي بنسټ هم د آلمان له تاریخي ادارو څخه شمیرل کیږي. د دې پوهنتون څو تنه فارغ التحصیلان ډیر مشهوره شول، چې له امله يي دغي ادارې ته هم د ممتاز درجه ورکړل شوه. برلین د آلمان د پلازمېني ترڅنگ یو تورستي ښار هم دی.

په پينځم درجه بیا هم د برلین «ټیکنیکل یونیورسټي» ځای لري. د سیلانیانو ترڅنگ محصلان هم له دې ښار سره مینه لري. نه یوازي د انجینرۍ له امله د دغه پوهنتون معیار ډیر لوړ دی، بلکي د نورو لویدیځو اروپايي ښارونو په پرتله په دې ښار کې مصارف هم کم دي.

اخن ښار د بلجیم او هالینډ سرحد ته نږدې موقعیت لري. دغه تخنیکي پوهنتون د آلمان د لوړو انجینري ادارو څخه شمیرل کیږي. د دې ادارې شعار دی«د راتلونکي په هکله فکر وکړه» او په حقیقت کې هم دغه اداره همداسې کوي.

د آلمان په لوی کلتوري ښار مونشن کې دوه لوی پوهنتونونه دي چې یو پکښې تخنیکي پوهنتون دی. د دغه پوهنتون د ادارې د تیرکال د ارقامو له مخي په هرو ۵ تنو محصلانو کې یو يي بهرنی دی.

د مونشن دغه پوهنتون هم د آلمان له تاریخي پوهنتونونو څخه شمیرل کیږي. د نوبل د جایزې ۳۴ تنه گټونکو په دغه پوهتون کې درس لوستی دی. «لایف سټایل میگزین» تیر کال دغه ښار د ژوند د بهترین طرز درلونکي ښار وباله.

په آلمان کې د برلین فرائی يا آزاد پوهنتون بنسټ په ۱۹۴۸ کال کې ایښودل شوی دی. دغه پوهنتون د بهرنیو زده کوونکو له امله هم ډیر شهرت لري. په برلین کې د یومبولډ پوهنتون برعکس دا د روسيي په زون کې نه شامل له همدې امله د دې نوم فرائی یا آزداد پوهتون ایښودل شوې وو.