تارکين وطن کے ليے يورپی يونين کی اضافی مدد درکار ہے، ايمنسٹی

ايمنسٹی انٹرنيشنل کی جانب سے يورپی پارليمان کو پيش کردہ ايک تازہ رپورٹ ميں يورپی يونين کے رکن ممالک پر زور ديا گيا ہے کہ وہ پناہ گرينوں سے متعلق اپنی اپنی پاليسياں تبديل کريں۔ رپورٹ ميں يہ مطالبہ کيا گيا ہے کہ يورپی ملک تارکين وطن اور پناہ گزينوں کو يورپ تک پہنچنے کے ليے محفوظ راستے فراہم کريں۔ ايمنسٹی کے مطابق غربت اور مسلح تصادم سے بھاگ کر خطرناک سمندری راستوں پر سفر کرنے والے ان متاثرين کی جانيں بچانے کے ليے يورپی بلاک کو اپنی ذمہ داری نبھانی ہو گی۔

ايمنسٹی کی رپورٹ کے مطابق جب تک ديگر يورپی ملکوں کی طرف سے اضافی اقدامات نہيں کيے جائيں گے، اس وقت تک مالٹا اور اٹلی جيسے ممالک پر دباؤ جاری رہے گا۔ اس سلسلے ميں روم انتظاميہ يورپی يونين سے مسلسل اضافی مدد کی اپيل کرتی چلی آئی ہے۔ اٹلی اپنے موجودہ سرچ اينڈ ريسکيو ’مارے نوسٹرم‘ نامی پروگرام کے تحت پچھلے ايک سال ميں قريب نوے ہزار افراد کی انسانی جانيں بچا چکا ہے تاہم حکام آہستہ آہستہ اس پروگرام کے دائرہ کار کو کم کرنا چاہتے ہيں۔ اسی ليے يورپی حکام سے اضافی مدد کا مطالبہ کيا جا رہا ہے۔

ايمنسٹی انٹرنيشنل نے اپنی رپورٹ ميں يہ واضح کر ديا ہے کہ اگر روم حکام کی طرف سے اس پروگرام ميں خاطر خواہ کمی کر دی گئی اور يورپی حکام نے اسی طرز کا اور اتنا ہی وسيع آپريشن شروع نہ کيا، تو کئی جانوں کے ضائع ہونے کا خدشہ ہے۔

شام ميں گزشتہ تين برس سے زائد عرصے سے جاری خانہ جنگی، اريتريا ميں جبری طور پر لوگوں کو لڑنے پر مجبور کيے جانے اور ليبيا ميں بد امنی و سياسی عدم استحکام کے سبب ان ملکوں سے ہزاروں افراد خستہ حال کشتيوں ميں بحيرہ روم سے سفر کرتے ہوئے مالٹا اور اٹلی کے ذريعے يورپ پہنچنے کی کوشش کرتے ہيں۔ ان ميں سے متعدد اس خطرناک عمل کے دوران ہی ہلاک ہو جاتے ہيں۔

يہ امر اہم ہے کہ رواں برس اکتوبر ميں يورپی کميشن کی طرف سے بتايا گيا تھا کہ اس کی بارڈر کنٹرول ايجنسی ’فرونٹيکس‘ اطالوی مشن ميں مدد فراہم کرے گی۔ اطالوی مشن پر ماہانہ نو ملين يورو کے آخراجات آتے ہيں۔ ايمنسٹی کے بقول اطالوی پروگرام ’مارے نوسٹرم‘ کی جگہ لينے کے ليے فرونٹيکس کو اضافی وسائل کے ساتھ ساتھ واضح حکمت عملی اختيار کرنی ہو گی۔

بحيرہ روم ميں رواں برس اب تک 3,072 افراد لقمہ اجل بن چکے ہيں جبکہ پچھلے سال اسی عرصے کے دوران ڈوب جانے والوں کی تعداد 2,360 تھی۔