آئندہ کبھی دوسروں سے ہاتھ نہ ملائیں
ابھی جو کچھ آپ کی نظروں سے گزرے گا، اسے پڑھنے کے بعد شاید آپ دوبارہ کبھی کسی کے ساتھ ہاتھ نہ ملائیں۔
امن کی علامت
ہاتھ ملانے کے بارے میں یہ بھی کہا جاتا ہے کہ جب دو اجنبی افراد ایک دوسرے کو اپنا دایاں ہاتھ دیتے ہیں تو اس کا مطلب یہ بھی ہوتا ہے کہ وہ غیر مسلح ہے۔ نیورو کیمسٹری کے مطابق ہاتھ ملانے سے اعصابی نظام میں بہت سے کیمیائی مادے متحرک ہو جاتے ہیں، جن میں بائنڈنگ ہارمونز بھی شامل ہیں۔
پرانی رسم
ہاتھ ملانا 2000ء سال پرانا رواج ہے۔ قدیم دور کے اس یونانی گلدان پر موجود ان دو اشکال کو بھی ہاتھ ملاتے ہوئے دیکھا جا سکتا ہے۔ یونانیوں کا خیال تھا کہ بیماریاں جسم میں موجود آبی رطوبت کے عدم توزان کی وجہ سے ہوتی ہیں نہ کہ مصافحہ کرنے سے۔
مختلف آراء
مختلف ثقافتوں میں مصافحہ کرنے کی اہمیت مختلف ہے۔ مغربی ممالک میں پُر جوش انداز میں ہاتھ ملانے کو پختہ عزم اور ارادے سے تعبیر کیا جاتا ہے جبکہ مشرقی ملکوں میں رعب ڈالنے کے تاثر سے بچنے کے لیےنرمی سے مصافحہ کرنے کو ترجیح دی جاتی ہے۔
ایک بری عادت
مصافحہ کرنے سے نزلے زکام یا اسی قسم کے دیگر جراثیم دوسرے شخص تک منتقل ہونے کا خطرہ موجود ہوتا ہے۔ نزلے زکام کا شکار کوئی شخص اگر اپنی ناک پونچھنے کے بعد کسی سے ہاتھ ملا لے تو دوسرے کے بھی بیمار ہونے کے امکانات ہوتے ہیں۔ اسی طرح اگر کسی بیمار شخص سے مصافحہ کرنے کے بعد ہاتھ آنکھوں کو لگا لیا جائے تو بھی انفیکشن کا خطرہ ہوتا ہے۔ کیا آپ یہ سب جان کر بھی اپنا ہاتھ دوسروں کے ہاتھ میں دینا چاہیں گے؟
حفظان صحت اور احتیاط
مصافحے کے ذریعے کسی بھی مہلک مرض کا شکار ہونے سے بچنے کے لیے روزانہ صابن اور گرم پانی سے ہاتھ دھونا ضروری ہے تاہم بہت سے لوگ اس چیز کا خیال نہیں کرتے۔ ایک جائزے کے مطابق بیت الخلاء کے استعمال کے بعد صرف دو تہائی مرد ہاتھ دھونے کی زحمت کرتے ہیں۔
مصافحہ کرنے سے کترانا
بل گیٹس اور معروف امریکی تاجر ڈونلڈ ٹرمف بیماریوں کے منتقل ہونے کے ڈر سے کسی سے مصافحہ نہیں کرتے۔ ہاتھ ملانے سے ڈرنے والے لوگوں کو ہمیشہ اپنے پاس جراثیم کش اسپرے رکھنا چاہیے۔ ہاتھ ملانے سے بچنے کے اور بھی کئی متبادل طریقے ہیں۔
آپ کے خلا ف نہیں لیکن ایسا کرنا ضروری ہے
ابھی حال ہی میں سامنے آنے والے ایک جائزے میں تجویز کیا گیا ہے کہ طبی مراکز میں مصافحہ کرنے کو ممنوع قرار دے دینا چاہیے۔ مثال کے طور پر ہسپتالوں میں ہاتھ ملانے پر مکمل طور پر پابندی ہونی چاہیے۔ ہاتھ ملانے اور بیماریوں کی منتقلی سے متعلق آگاہی بڑھتی جا رہی ہے، جس کی وجہ سے انسداد مصافحہ کی تحریک کو بھی فروغ حاصل ہو رہا ہے۔
ہاتھ کی بجائے مکّے سے مصافحہ
ایک جائزے سے ثابت ہوا ہے کہ مٹھی کو بند کر کے مکّا بنا کر اگر کسی دوسرے سے مصافحہ کیا جائے تو اس سے جراثیم منتقل ہونے کے امکانات صرف دس فیصد رہ جاتے ہیں۔ امریکی صدر باراک اوباما اور خاتون اول مشیل اوباما اسی طرح سے امریکی شہریوں کے ساتھ مصافحہ کرنے کو فوقیت دیتے ہیں۔