Јасно назадување на Македонија
6 март 2015„Во Комисијата за надворешна политика (на германскиот Бундестаг, н.з.) владее одредена загриженост поради развојот во Македонија: од една страна поради ерозијата на веќе достигнатите стандарди во областите ’независност на правосудството‘ и ’медиумска слобода‘, а второ, и поради поларизацијата која настана со аферата за прислушкување“, вели за Дојче веле д-р Кристоф Бергнер, член на Комисијата за надворешна политика на Бундестагот.
Бергнер е пратеник на владеачката Христијанско-демократската унија (ЦДУ), партија на канцеларот Ангела Меркел, поранешен покраински премиер на Саксонија-Анхалт и парламентарен државен секретар во сојузното министерство за внатрешни работи.
„Комисијата гледа со голема грижа на тој развој и од аспект на можната перспектива за пристапување кон ЕУ. Ние можеме само да се надеваме дека во вакви околности можат да се најдат појдовни точки за медитација од страна на ЕУ. Посредничката улога на ЕУ сепак не е патентирано решение, но Комисијата на тоа гледа како на позитивен развој. Накратко кажано: ние гледаме јасно назадување во европскиот развој на земјата“ - вели д-р Кристоф Бергнер во своето резиме на седницата на Комисијата, на барање на Дојче веле.