Јапонија: Многу повредени при ненадејна вулканска ерупција

Кошмар за планинарите на 3.067 метри високиот врв Онтакесан во Јапонија - без какво и да било предупредување еруптираше вулкан. Притоа, тешко се повредени најмлку 32 лица, од кои седуммина ја загубиле свеста во текот на сивиот дожд од пепел. Според наводи на полицијата, вулканот, кој се наоѓа меѓу центраните провинции Нагано и Гифу, еруптирал денеска (27.09) околу пладне. Во времето на ерупцијата, во насока на врвот Онтакесан се наоѓале околу 250 планинари. Со оглед на тоа што се стравува од натамошни ерупции во текот на ноќта, како што јавија локалните медиуми, и натаму треба да продолжат спасувачките активности.

„Имаше звук како кога грми, небото се смрачи од чад“, изјави сопственик на една од планинарските колиби во регионот. Сега околината е покриена со 15 сантиметри дебела покривка од пепел. Јапонскиот премиер Шинзо Авбе, како што јави агенцијата Кјодо, и‘ наредил на армијата да учествува во спасувачките активности.

Метеоролошките власти упатија предупредување до жителите во регионот околу вулканот да внимаваат на парчиња од карпи и камења кои се одронуваат. Надлежните власти забранија пристап во регионот.