1. Прескокни до содржината
  2. Прескокни до главната навигација
  3. Кон други страници на DW

„Сојуз“ полета кон Меѓународната вселенска станица

БГ/миа15 јули 2012

Трочлен тим составен од астронаути од Русија, САД и Јапонија се упати кон вселенската станица.

https://p.dw.com/p/15XzN
Фотографија: Reuters

Рускиот вселенски брод „Сојуз" со тричлен руско-јапонско-американски екипаж во неделата рано наутро полета од космодромот Бајконур во Казахтан во мисија кон Меѓународната вселенска станица ИСС којашто ќе трае четири месеци.

Рускиот астронаут ветеран Јуриј Маленченко, астронаутката на американската агенција за вселенски истражувања NASA, Санита Вилијам и јапонскиот астронаут Акахико Хошида, треба во вторник на ИСС да им се придружат на инженерот на НАСА Џозеф Акаби и руските космонаути Генадиј Падалка и Сергеј Ревин.

Russland Sojus-Rakete Weltraumbahnhof Baikonur ISS
Фотографија: Reuters

Откако минатата година беше укината американската програма за лансирање на леталата шатл, САД за летови до ИСС зависи од Русија. Летот до Меѓународната вселенска станица ја чини секоја држава по 60 милиони долари по лице.

Русија се надева дека успехот на мисијата ќе ја подобри довербата во нејзината вселенска програма по низата неуспешни тестирања на нови типови носечки ракети минатата година, како и падот на сондата којашто собираше примероци од сателитот на Марс - Фобос.