По три години затвор за шестмина учесници во протестите за „Монструм“
30 јули 2014Двајца учесници во протестите од страна на Кривичниот суд во Скопје добија ослободителни пресуди. За едниот од нив обвинителот го повлече обвинението, а другиот судот го ослободи бидејќи немало докази.
Шестемина обвинети кои добија по тригодишни казни затвор остануваат во притвор до правосилност на пресудата и солидарно треба да ја надоместат штетата направена на двата скопски Основни суда од околу 26 илјади евра. Основното јавно обвинителство ги товареше за кривично дело „учество во толпа што ќе предизвика кривично дело“, односно дека биле дел од поголемата група граѓани кои со камења и други тврди предмети ги оштетиле фасадите на судските објектите и повредиле неколкумина полициски службеници.
Одбраната на обвинетите во завршните зборови барала да се казнат вистинските виновници за насилството и каменувањето на судовите.