Газда Нини: Не ги познавам ниту Груевски ниту Заев
1 септември 2014Јовица Стефановиќ во својот исказ рече дека не се познавал ниту со Груевски ниту со Заев, а дека акциите на Македонска Банка ги купил на берза. Стефановиќ рече и дека не го познава извесниот Ден Дончев, чиј глас, како што тврди СДСМ, се слуша на аудио снимките што ги објави најглемата опозициска партија, а на која наводно Груевски договара продажба на Македонска Банка.
Лидерот на СДСМ, Зоран Заев, го обвини Груевски дека ја продал Македонска банка на Газда Нини и дека зел 1,5 милиони евра кеш. По објавување на снимките, премиерот Никола Груевски поднесе тужба против Заев за клевета и навреда.
Газда Нини сведочеше на предлог на одбраната. Претходно, адвокатите на Заев побараа да се повлече нивното барање со образложение дека сведочењето на Нини нема да биде релевантно без сведочењето на Ден Дончев и аудио снимките, кои судот ги отфрли како докази на подготвителното рочиште во јули. Судот го отфрли барањето на одбраната и Газда Нини го даде својот исказ.
На денешното судење не беа присутни ниту Груевски ниту Заев, а се очекува утре двајцата да дадат исказ пред судот.