Автомобил од 3-Д печатач
21 јануари 2015Кај ваквото возило штетите на лимаријата се исклучени. Каросеријата, целосно од пластика, се прави на 3-Д печатач. Дел по дел, раката на роботот го пополнува вештачкиот материјал. Севкупно, потребни се 44 часа за да се заврши каросеријата.
„Кој можеше да замисли пред само пет години дека 3-Д автомобил ќе биде испечатен, формиран, составен и возен на тлото на овој саем. Тоа е апсолутно неверојатно“, вели Скот Фалон од компанијата Сабик Иноватив Пластик, која го произведува ова возило.
Моторот, светлата и гумите не се печатат и дополнително се вградуваат. „Страти“ е името на моделот кој се грижи и за животната околина: го придвижува електромотор, а материјалот целосно се рециклира. Но, тоа го прави подложен и на временските услови како сонцето и дождот.
„Доколку го оставите надвор на милост на времето, веројатно ќе издржи 5-6 години. Но, доколку се чува во гаража и се користи како секој нормален автомобил, тогаш ќе издржи подолго“, вели Џеј Роџерс, директор на компанијата Локал Моторс.
Автомобилот произведен на печатач уште годинава треба да се најде во продажба, а ќе чини меѓу 18 и 30 илјади долари. „Страти“ за почеток ќе биде алтернатива само за велосипед: двоседот, имено, може да мине само 40 километри.