1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Ziyarar wurin faduwar jirgin Germanwings

Yusuf BalaMarch 31, 2015

A ranar Talatanan ma dai shugaba Francois Holland ya bayyana cewa nan ba da dadewa bane za a gano wadanda bala'in faduwar jirgin ya ritsa da su.

https://p.dw.com/p/1F0Hm
Germanwings Absturz 4U9525 Trauer am Flughafen Köln/Bonn
Hoto: Reuters/W. Rattay

Manyan jami'ai daga kamfanin da ke lura da harkokin sufurin jiragen sama na Luhfthansa da Germanwings a gobe Laraba zasu ziyarci yankin tsaunika da ake wasannin zamiyar kankara a Faransa inda jirgin saman Germanwings ya fadi tare da hallaka mutane da dama a makon da ya gabata.

Carsten Spohr jagoran kamfanin Lufthansa da Thomas Winkelmann na Germanwings zasu ziyarci yankin na Seyne-les-Alpes da safiyar ta gobe Laraba inda zasu ga yadda jami'ai ke aikin ceto tare da yin addu'oin ban kwana ga mutane 150 da suka rasa rayukansu a lokacin wannan mummunan hadari faduwar jirgin saman.

A ranar Talatannan ma dai shugaba Francois Holland ya bayyana cewa nan ba da dadewa bane za a gano wadanda bala'in faduwar jirgin ya ritsa da su a daidai lokacin da kamfanonin inshora suka ware daruruwan miliyoyin dalar Amirka dan biyar diyya ga iyalan mamatan.