آسٹريلوی جزيرے پر جہاز گر کر تباہ، تين امريکی فوجی ہلاک

آسٹريليا کے شمالی حصے ميں ايک جزيرے پر اتوار کی صبح امريکی مرين کور کا ايک ہوائی جہاز گر کر تباہ ہو گيا، جس کے نتيجے ميں تين مرينز ہلاک اور بيس ديگر زخمی ہو گئے۔ 'بيل بوئنگ V-22 اوسپرے‘ طرز کا طيارہ ميلول جزيرے پر تباہ ہوا۔ زخميوں کو 80 کلوميٹر دور واقع آسٹريلوی شہر ڈارون پہنچايا گيا۔ زخميوں ميں سے پانچ کی حالت نازک ہے۔ يہ حادثہ مقامی وقت کے مطابق صبح ساڑھے نو بجے کے قريب پيش آيا۔

امريکی ميرينز کی جانب سے جاری کردہ ايک بيان ميں اس واقعے کی تصديق کرتے ہوئے کہا گيا کہ ريسکيو اور ريکوری کی سرگرمياں جاری ہيں۔ حادثے کی وجہ کے تعين کے ليے تفتيش بھی شروع کر دی گئی ہے۔

روس اور وسطی ایشیائی ممالک کی فوجی مشقین

کم جونگ اُن چين ميں، امريکا و جنوبی کوريا کی جنگی مشقيں معطل

جزیرہ نما کوریا پر ’سب سے بڑی‘ فضائی مشقوں کا آغاز

آسٹريلوی شمالی علاقہ جات کے پوليس کمشنر مائيکل مرفی نے بتايا کہ اس جہاز پر سوار بقيہ ميرينز کو لانے کے ليے ہيلی کاپٹرز اور ديگر چھوٹے جہاز روانہ کيے جا چکے ہيں۔ علاقے کی چيف منسٹر نتاشا فائلز کے بقول يہ ايک حولناک حادثہ تھا۔ انہوں نے يہ بھی بتايا کہ زخميوں کا ڈارون کے ہسپتال ميں علاج جاری ہے۔

آسٹريلوی وزير اعظم انتھونی البانيز نے بتايا کہ اس واقعے ميں صرف امريکی فوجی زخمی ہوئے ہيں۔ يہ واقعہ ستائيس اگست کو 'ايکسرسائز پريڈيٹرز رن‘ نامی جنگی مشقوں کے دوران پيش آيا، جس ميں امريکا، آسٹريليا، انڈونيشيا، فلپائن اور مشرقی تيمور کی افواج حصہ لے رہی ہيں۔ تقريباً ڈھائی ہزار فوجی ان مشقوں ميں شريک ہيں۔

آسٹريلوی وزير اعظم نے مزيد بتايا کہ ان کی حکومت اور محکمہ دفاع کی مکمل توجہ اس پر ہے کہ واقعے سے نمٹنے ميں ہر ممکن مدد اور تعاون کی فراہمی کو يقينی بنايا جائے۔

ڈارون ميں اس وقت تقريباً ڈيڑھ سو امريکی فوجی تعينات ہيں جبکہ سالانہ بنيادوں پر ڈھائی ہزار فوجیوں کا وہاں تبادلہ ہوتا رہتا ہے۔ کريش ہونے والا  'بيل بوئنگ V-22 اوسپرے‘ طرز کا طيارہ آج  اس جزيرے کی جانب روانہ ہوا تھا۔

ع س / ک م (اے پی)