1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Tsagaita wuta tsakanin Hamas da Isra'ila

July 26, 2014

An fara aiki da wata yarjejeniyar tsagaita wuta na tsawon sa'aoi 12 tsakanin gwamnatin Isra'ila da kungiyar Hamas ta Falasdinu, domin samun wata kafa ta ayyukan jin kai.

https://p.dw.com/p/1CjIu
Hoto: DW/S. al Farra

Jami'an kungiyar Hamas sun ce, sun amince da yarjejeniyar bisa roko da suka samu daga MDD. Rundunar sojin Isra'ila ta ce za ta mutunta yarjejeniyar saboda samun shigar da kayayyakin agaji zuwan yankin na Zirin Gaza da ya kwashe tsawon lokaci yana fuskanatar luguden wuta daga Isra'ila.

Yanzu haka Sakataren harkokin wajen Amirka John Kerry yana birnin Paris na kasar Faransa, domin kara tattaunawa bisa shirin tsagaita wuta mai dorewa tsakanin bangarorin na Isra'ila da Hamas.

Mawallafi: Suleiman Babayo
Edita: Zainab Mohammed Abubakar