Najeriya na shirin tinkarar zaɓuɓɓuka

'Yan takara biyu ne dai ke kan gaba wajen neman shugabacin ƙasar da suka haɗa da shugaba mai ci yanzu Goodluck Jonathan da ke takara a ƙarƙashin jam'iyya mai mulki ta PDP da kuma tsohon shugaban mulkin sojan ƙasar a ƙarƙashin babbar jam'iyyar adawa ta APC Janar Muhammadu Buhari. Zaɓen wanda tun da fari aka shirya gudanar da shi a watan Fabarairun da ya gabata, an dage shi zuwa makwanni shida wanda ya kama Asabar 28 ga wannan wata na Maris da muke ciki bisa dalilai na tsaro.