1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Konservatorët fitues të zgjedhjeve parlamentare në Gjermani

Pandeli Pani (dpa)22 Shtator 2013

Bashkimi CDU/CSU ka fituar qartë zgjedhjet parlamentare 2013 në Gjermani, por ka humbur partnerin në koalicion, liberalët.

https://p.dw.com/p/19m0f
German Chancellor and leader of Christian Democratic Union (CDU) Angela Merkel and CDU party secretary general Hermann Groehe react after first exit polls in the German general election (Bundestagswahl) at the CDU party headquarters in Berlin September 22, 2013. Merkel's conservatives won the most votes in a German election on Sunday, putting her on track for a third term, but it was unclear whether she would be able to preserve her centre-right coalition or be forced to work with her leftist rivals, an exit poll showed. REUTERS/Wolfgang Rattay (GERMANY - Tags: POLITICS ELECTIONS)
Bundestagswahl Reaktion Angela Merkel CDUFotografi: Reuters

Gjermania zgjodhi sot parlamentin e ri. 61,8 milionë vetë ishin ftuar të përcaktonin me votën e tyre përbërjen e Bundestagut të ri, ndër ta tre milionë votues, që votonin për herë të parë.

Sipas të dhënave paraprake CDU ka fituar 41,7% të votave, rreth tetë për qind më tepër se në vitin 2009. SPD fitoi 25,6% të votave, pra 2-3% vota më tepër se në vitin 2009. Të Gjelbrit kanë humbur 2,4% të votave në krahasim me vitin 2009 duke fituar vetëm 8,4% të votave. Partia liberale, FDP, ka humbur rreth 10% në krahasim me vitin 2009 dhe me 4,7% të votave me sa duket nuk do të arrijnë të hyjnë në parlamentin e ri. Partia e Majta ka humbur 3,4% në krahasim me vitin 2009 dhe ka marrë 8,5% të votave. Kurse partia më e re, e cila kandidoi për herë të parë në këto zgjedhje Alternativa për Gjermaninë (AfD)duket se ka fituar 4,8% të votave.

Peer Steinbrueck dhe Frank-Walter Steinmeier
Peer Steinbrueck dhe Frank-Walter SteinmeierFotografi: Reuters
Bundestagswahl Reaktion CDU Ursula von der Leyen Angela Merkel
Ursula von der Leyen dhe Angela MerkelFotografi: Reuters

Sipas këtyre përllogaritjeve CDU dhe CSU pritet të kenë në parlament 296 deputetë, SPD 182, E Majta 61 dhe Të Gjelbrit 59. Kështu Bashkimi CDU/CSU duket se ka arritur shumicën absolute dhe mund të qeveriste i vetëm. Nëse kjo do të ndodhë, nuk dihet ende.

Në këtë mënyrë në Gjermani mund të ketë sërish një koalicion të madh mes CDU/CSU dhe SPD-së. Teorikisht është i mundur edhe një koalicion mes CDU/CSU dhe ekologjistëve. Nga ana tjetër në rast se SPD, bashkohet në koalicion me Të Majtën dhe ekologjistët, ajo ka gjithashtu një shumicë në parlament.

Pjesëmarrja në votime ishte me 73% rreth 3 % më të lartë se në vitin 2009.