1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Jiran sakamakon zaben Najeriya

Suleiman BabayoMarch 30, 2015

Ana sa ran fara samun sakamakon farko na zaben shugaban Najeriya da aka gudanar karshen mako a fadin kasar.

https://p.dw.com/p/1EzMd
Wahl in Nigeria
Hoto: Getty Images/Afp

A wannan Litinin ake sa ran fara bayyana sakamakon farko na zaben shugaban kasa a Najeriya a hukumance, kamar yadda hukumar zaben kasar ta nunar. Ana fafatawa mai zafi tsakanin Shugaba Goodluck Jonathan na jam'iyyar PDP mai mulki da kuma madugun 'yan adawa Janar Muhammadu Buhari na jam'iyyar APC.

Sakatare Janar na Majalisar Dinkin Duniya Ban Ki-moon ya yi kiran kwantar da hankali yayin da ake zaman jiran sakamakon zaben na shugaban kasa. A wasu sassa na kasar an tsawaita zaben na ranar Asabar zuwa ranar Lahadi, saboda wasu matsaloli da aka samu. Wannan zaben ke zama kalubale mafi girma da jam'iyyar PDP ta fuskanta tun bayan komawar Najeriya bisa tafarkin demokaradiyya a shekarar 1999.