1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Taarifa ya Habari za Ulimwengu kutoka Idhaa ya Kiswahili ya DW

Habari | 27.05.2015 | 15:12

Burundi upinzani wasaema uchaguzi hauwezekani kwa sasa

Vyama vikuu vya upinzani nchini Burundi vimesema  "haiwezekani" kuitisha wiki ijayo uchaguzi huru na wa haki na kwamba matokeo yake hayastahiki kutambuliwa pindi ukiitishwa. Vyama hivyo vikuu vya upinzani vinasema kuendelea na maandalizi ya uchaguzi licha ya machafuko yaliyoenea mji mkuu ni sawa na kuuteka nyara uchaguzi huo.Taarifa ya vyama hivyo vya upinzani imetolewa baada ya mpinzani mwengine wa mhula wa tatu wa rais Pierre Nkurunziza kuuliwa na wengine wawili kujeruhiwa kusini mwa nchi hiyo.Wanaharakati wanalalamika wakisema wanazidi kushambuliwa na wafuasi wa wa chama tawala CNDD-FDD."Katika taarifa hiyo vyama vikuu vya upinzani vinamtuhumu rais Nkurunziza na chama tawala kuvifumba mdomo vyombo huru vya habari,kuwashikilia jela wapinzani na kusababisha wimbi kubwa la wakimbizi.Uchaguzi wa bunge umepangwa kuitishwa juni tano ijayo na ule wa rais juni 26.

Ndege za nchi shirika zahujumu vituo vya Huthi mjini Sanaa

Ndege za nchi shirika zinazoongozwa na Saud Arabia zimehujumu makao makuu ya waasi wa Huthi katika mji mkuu wa Yemen-Sanaa na kuwauwa wanajeshi 36-mashahidi na maafisa wa afya wamesema.Nchi shirika zinazoongozwa na Saud Arabia zimeanza hujuma zake dhidi ya waasi wa Huthi wanaomuunga mkono rais wa zamani Ali Abdullah saleh,tangu Marchi 26 iliyopita kwa lengo la kumrejesha madarakani rais anaeungwa mkono na Umoja wa mataifa Abedrabbo Mansur Hadi.Hujuma za leo zimelenga makao makuu ya uongozi wa vikosi maalum vinavyomtii Ali Abdallah Saleh ,kusini mwa Sanaa pamoja pia na ghala ya silaha iliyoko Fajj Attan-karibu na mji mkuu huo.Afisa kutoka wizara ya afya inaypdhibitiwa na waasi ameliambia shirika la habari la Ufaransa AFP,kwamba wanajeshi 36 na maafisa wa kijeshi wameuliwa na 100 wengine wamejeruhiwa wakati wa shambulio hilo lililopelekea idadi ya waliopoteza maisha yao kuongezeka na kufikia watu 15.Hujuma nyengine za nchi shirika zimeharibu vibaya sana kituo cha jeshi la majini katika mkoa wa Hodeida katika bahari ya Sham.

Vikosi vya Syria vyasonga mbele Ramadi

Vikosi vya Iraq vikisaidiwa na wanamgambo wanapiga kambi katika vitongoji vya kusini mwa Ramadi-wameshaikomboa miji miwili ya karibu wakiwa njiani kuelekea chuo kikuu cha Anbar-maafisa wa Iran wamesema.Vikosi vya jeshi na polisi pamoja pia na washirika wao -wanamgambo wa kishia-walipambana na wanamgambo wa dola ya kiislamu IS wakiania kuidhibiti miji ya Taesh na Humeyrah.

Miji hiyo pamoja na chuo kikuu cha Anbar iko katika njia kuu inayouzunguka mji wa Ramadi kutoka kusini.Maelfu ya wanajeshi wa iraq wamepiga kambi pia katika maeneo ya karibu na mashariki ya Ramadi-na wengine wanasafisha njia kutokea maeneo ya kaakazini.

KUra ya maoni mwaka 2017 nchini Uengereza

Kura ya maoni kuhusu hatima ya uwanachama wa Uingereza katika umoja wa Ulaya itaitishwa hadi ifikapo mwisho wa mwaka 2017. Malkia Elisabeth wa pili wa Uingereza amesema hayo katika hotuba yake ya jadi ya kusoma ratiba ya serikali bungeni mjini London.Waziri mkuu David Cameron alizungumzia kwa mara ya kwanza mapema mwaka 2013 kuhusu kura hiyo ya maoni. Kabla ya hapo anapania kuona mageuzi yanafanyika ndani ya Umoja wa ulaya. Vielelezo vya mageuzi hayo si miongoni mwa ratiba iliyosomwa na malkia Elisabeth wa pili bungeni hii leo.

Halmashauri kuu ya Umoja wa Ulaxya inataka wakimbizi 44 elfu wagawanywe miongoni mwa nchi wanachama

Halmashauri kuu ya Umoja wa Ulaya imepitisha mpango unaobishaniwa wa kuwagawa wakimbizi miongoni mwa nchi wanachama wa Umoja huo.Ili kuzipunguzia mzigo Italy na Ugiriki,mapendekezo ya halmashauri kuu ya Umoja wa Ulaya yanazungumzia juu ya kugawanywa,katika kipindi cha miaka miwili inayokuja,wakimbizi 40 elfu katika nchi nyengine pia za Umoja huo. Zaidi ya hayo na katika kipindi hicho hicho,waakimbizi 20 elfu watakaopokelewa kutoka nje ya nchi za Umoja wa ulaya,watabidi pia wagawanywe. Serikali kuu ya Ujerumani mjini Berlin imekaribisha  pendekezo la halmashauri kuu ya Umoja wa Ulaya. Nchi nyengine kadhaa wanachama wa Umoja wa ulaya,na hasa Uingereza,na baadhi ya nchi za Ulaya Mashariki zinapinga kuwepo viwango maalum vya wakimbizi wanaobidi kupokelewa katika nchi za Umoja wa ulaya. Mipango ya halmashauri kuu ya Umoja wa Ulaya itabidi kwanza iungwe mkono na asili mia 55 ya mataifa wanachama ambayo jumla ya wakaazi wake wanafikia asili mia 65 ya wakaazi jumla wa Umoja wa Ulaya-hapo tu ndipo mipango hiyo itakapoweza kufanya kazi.

Idadi ya wenye njaa yapungua ulimwenguni

Idadi ya watu wanaosumbuliwa na njaa ulimwenguni imepungua na kufikia chini ya watu milioni 800-kwa mara ya kwanza tangu Umoja wa mataifa ulipoanza kutoa tarakimu-shirika la Umoja wa mataifa la Chakula na Kilimo-FAO limesema katika ripoti yake ya mwaka iliyochapishwa hii leo. Shirika hilo lenye makao yake mjini Rome Italy limesema kuna watu milioni 795 ulimwenguni wanaosumbuliwa na njaa-idadi hiyo ikiwa na upungufu wa watu milioni 216 ikilinganishwa na jinsi  hali namna ilivyokuwa kati ya mwaka 1990-hadi 1992.Katika nchi zinazoinukia idadi ya wanaokumbwa na utapia mlo imepungua na kufikia asili mia 12.9-kutoka asili mia 23 miaka  25 iliyopita.Jumla ya nchi 72 toka nchi 129 ambako shirika la Umoja wa mataifa la Chakaula na Kilimo-FAO liliendesha uchunguzi wake, zimelifikia lengo la maendeleo ya Milenia kwa kupunguza kwa nusu kiwango cha utapia mlo mwaka huu na lengo hilo limekosewa kidogo tu kufikiwa katika nchi zinazoinukia.

Vyombo vya sheria vya Uswisi vyaichunguza FIFA kuhusiana na madai ya rushwa

Mwendesha mashtaka mkuu wa Uswisi anachunguza  sababu ya shirikisho la kabumbu ulimwenguni FIFA kuzikubalia ziandae fainali za kombe la dunia la kabumbu mwaka 2018 Urusi na Qatar mwaka 2022. Ofisi ya mwendesha mashtaka mkuu wa Uswisi imesema katika uchunguzi uliofanywa katika makao makuu ya FIFA kuna data na nyaraka zilizogunduliwa. Imezuka dhana za visa vya udanganyifu pamoja na biashara haramu ya kubadilisha fedha kinyume cha sheria. Kabla ya hapo polisi ya Uswisi mjini Zurich ilijibu wito wa Marekani na kuwakamata maafisa saba wa shirikisho la FIFA mjini Zurich-miongoni mwao wanakutikana pia makamo wawili wa mwenyekiti wa shirikisho hilo la FIFA. Wote hao wanatuhumiwa kupokea hongo ili fainali za kombe la dunia la kabumbu zifanyike nchini Marekani na Amerika Kusini. Hakuna mafaungamano kati ya kadhia hizi mbili,maafisa wa Uswisi wanasema.Mwenyekiti wa FIFA Joseph Blatter si miongoni mwa watuhumiwa.Bwana huyo mwenye umri wa miaka 79 anataka achaguliwe tena kuliongoza shirikisho hilo la FIFA mkutano mkuu utakapoitishwa ijumaa ijayo mjini Zurich.