Pranvera turke

Mitingje masive

"Pamja e tyre ndot emrin e vendit tonë". Kështu e argumentoi guvernatori i Stambollit Hysein Avni Multu, reagimin e ashpër kundër demonstruesve. Ai foli për persona jashtë shoqërisë. Ndërkohë në Stamboll numri i demonstruesve arriti në disa raste 100.000 vetë. Në gjithë Turqinë protestonin qindra mijëra.

Pranvera turke

Lufta kundër prerjes së pemëve

Protestat nisën si qendresë kundër një projekti ndërtimi në qendër të Stambollit. parku Gezi me dhjetëra pemët e tij të vjetra, shumë pranë sheshit Taksim, sipas planeve të qeverisë duhet t'i lërë vendin një qendre tregtare. Parku ishte sipërfaqja e fundit e gjelbër në qendër të metropolit turk. Kur u prenë pemët e para, demonstruesit ngritën një kamp çadrash në mbrojtje të parkut.

Pranvera turke

Reagim i ashpër

Protestat u shtypën në fund të majit me aksione masive të policisë. Forcat e sigurisë përdorën mjete të rënda dhe ujëhedhës, gaz lotsjellës dhe spray me piper kundër demonstruesve.

Pranvera turke

Qindra të plagosur

Policia u përpoq t'u ndalonte hyrjen në sheshin Taksim demonstruesve. Sipas informacioneve të mjekëve, vetëm në 31 maj u plagosën qindra vetë, disa humbën shikimin. Kjo i ndezi më shumë protestat, numri i pjesëmarrësve u shtua në dhjetëra mijëra vetë.

Pranvera turke

Demonstrimet shtrihen në gjithë vendin

Tani protestat janë ndezur edhe në qytete të tjera turke, atokanë gjithnjë e më shumë karakter politik. Në kryeqytetin turk Ankara, në qytetin perëndimor Izmir, madje edhe në qendrat turistike në jug të vendit, njerëzit dalin në rrugë. Dhe kudo të njëjtat pamje: gaz lotsjellës, ujëhedhës dhe të plagosur.

Pranvera turke

Qeveria në qendër të kritikave

Qeveria e Erdoganit është tani në qendër të kritikave. Partia e tij konservatoro-islamike pëshkruhet gjithnjë e më shumë si autoritare. Demonstruesit kritikojnë kufizimin e lirisë së tyre nga ligje gjithjë e më restriktive. Së fundi Erdogan ritheksoi planet e ndërtimit në Stamboll dhe deri tani injoron kërkesat e demonstruesve.

Pranvera turke

Larmi aktivitetesh

Mitingjet po bëhen gjithnjë e më krijuese: grupe teatrale dhe artistësh takohen në sheshin Taksim dhe prezantojnë shfaqjet e tyre. Në parkun Gezi protestohet me joga, grupe muzikore japin shfaqje, madje dëgjon edhe muzikë klasike. Shumë prej protestuesve duan t'i përgjigjen ndryshe dhunës.

Pranvera turke

Gruaja me të kuqe

Megjithatë dhuna vazhdon. Dhe një fotografi qarkullon: në të shihet Ceyda Sungur, e cila punon në Universitetin Teknik të Stambollit. Ajo bëhet pa dashur simbol i protestës si "Gruaja me të kuqe". Një polic i drejton nga afër gazin lotsjellës. Pak më vonë ajo shembet, por të nesërmen është sërish në shesh.

Pranvera turke

Policët në mjegull

Policia kundërvepron me mjete moderne ndaj kryengritësve. Ajo avancon vazhdimisht me paisje të rënda, për sheshet qendrore të qyteteve turke luftohet ashpër. Në të njëjtën kohë arrestohen njerëz që përmes Twitter kanë bërë thirrje për pjesëmarrje në demonstrime.

Pranvera turke

Antimitingje

Në kthim nga Afrika veriore javën e kaluar, kryeministri pritet nga përkrahës që e brohorasin. Demonstruesit në të gjithë vendin Erdogan i paralajmëron me fjalët se durimit të qeverisë së tij i ka ardhur fundi. Ai i sheh masat që demonstrojnë "krah për krah me terrorizmin".

Pranvera turke

Mbështetje ndërkombëtare

Prej disa ditësh tashmë protestat nuk kufizohen vetëm në Turqi. Përmes informacioneve të medieve dhe rrjeteve sociale e gjithë bota po sheh se çfarë ndodh atje. Në Nju Jork, Athinë, Berlin dhe qytete të tjera njerëzit dalin në rrugë për të shprehur solidaritet.

Pranvera turke

Fundi i hapur

Ajo çka filloi si protestë kundër prerjes së pemëve në Stamboll, është kthyer në një revoltë mbarëkombëtare. Fundi i demonstrimeve nuk duket në horizont.

Autor: Klaus Jansen / E. Xhani | Redaktor: Auron Dodi