Politika

Migrimi në Gjermani - rruga ligjore

Rruga për në Gjermani

Ka mënyra ligjore për të mbërritur në Gjermani, për punë, edukim ose duke aplikuar për azil. Për të sigurar një leje të përhershme qendrimi duhen plotësuar disa kushte: aplikantët duhet të kenë të paktën pesë vjet që jetojnë ligjërisht në Gjermani, të jenë në gjende të sigurojnë të ardhura, të mos kenë precedentë penalë dhe të njohin gjuhën.

Migrimi në Gjermani - rruga ligjore

Specialistët

Ata që kanë kualifikime shumë të mira nuk duhet të presin pesë vjet, atyre iu sigurohet menjëherë leja e qendrimit. Këtu përfshihen binznesmenët dhe studiuesit që kanë një kualifikim special dhe punojnë aty ku ka nevojë Gjermania, të tillë mund jenë shkencëtarët ose specialistët. Por ata duhet të fitojnë më shumë se 66 mijë euro në vit.

Migrimi në Gjermani - rruga ligjore

Punëtorët e kualifikuar

Punëtorët e kualifikuar përfshijnë çdokënd që ka përfunduar suksesshëm trajnimin për një profesion ose që ka një diplomë universitare. Të tillë mund të jenë mësuesit, shkencëtarët, drejtuesit e lartë ose sportistët profesionistë. Këta mund të marrin leje qendrimi të përhershme vetëm pas pesë vitesh.

Migrimi në Gjermani - rruga ligjore

Punëtorët sezonalë

Përveç punëtorëve të kualifikuar është edhe një pjesë tjetër punëtorësh që vijnë në Gjermani për të punuar. Këta janë punëtorë sezonalë të cilët lejohen të punojnë vetëm për gjashtë muaj në agrikulturë, në bare dhe restorante ose për të qendruar pranë personave më vështirësi fizike në familjet gjermane.

Migrimi në Gjermani - rruga ligjore

Vetëpunësimi

Lejet e qendrimit lëshohen edhe për ata që vetëpunësohen, nëse shihet se për ata ka një interes ekonomik ose një nevojë rajonale për shërbimin e tyre. Të vetëpunësuarit duhet të kenë të paktën 250 mijë euro për investimin e tyre dhe duhet të krijojnë të paktën pesë vende të reja pune. Nëse janë të suksesshëm mund të marrin lejen e përhershme të qendrimit pas tre vjetësh.

Migrimi në Gjermani - rruga ligjore

Studentët

Aplikantët për një vend në universitet dhe studentët mund të aplikojnë për një vizë dhe t’u jepet leja e qëndrimit. Leja mund të zgjatet një vit pas diplomimit. Gjatë kësaj kohe i jepet mundësi të diplomuarve për të gjetur një punë të përshtatshme në Gjermani. Nëse ata nuk janë të suksesshëm mund të marrin një leje qëndrimi si punëtorë të kualifikuar.

Migrimi në Gjermani - rruga ligjore

Au-pair

Au-pair, ose jetesa në një familje gjermane me qëllim mësimin e gjuhës. Edhe për këtë lloj emigrimi jepen leje të kufizuara qëndrimi. Kjo lloj leje zakonisht është e vlefshme për një vit, kohë kjo e mjaftueshme për të rinjtë për të qendruar një një familje gjermane, ku ata ndihmojnë në punët e shtëpisë dhekujdesen për fëmijët.

Migrimi në Gjermani - rruga ligjore

Familja

Çdokush që është legalisht rezident në Gjermani mund të marrë edhe familjen e tij, psh: bashkëshortët apo fëmijët. Por vetëm nëse personi që është rezident në Gjermani mund të sigurojë të ardhura të mjaftueshme për familjen dhe pjestarët e familjes duhet të kenë disa njohuri për gjuhën gjermane.

Migrimi në Gjermani - rruga ligjore

Riatdhesimet e vona

Të riatdhesuarit e vonë janë njerëz me origjinë gjermane që vijnë nga një grup i caktuar vendesh, mes të cilave ish-shtetet e Bashkimit Sovejtik, por edhe ato të Bllokut të Lindjes si Rumania dhe Polonia. Këta njerëz marrin kombësinë gjermane sapo njihen zyrtarisht si të riatdhesuar të vonë.

Migrimi në Gjermani - rruga ligjore

Azilimi

Gjermania jep azil për njerëzit të cilët ndiqen politikisht në vendet e tyre, për shkak të pikëpamjeve ideologjike dhe fetare. Ata janë të detyruar të qendrojnë diku derisa të mbarojë aplikimi i tyre. Ata pajisen me një leje qendrimi tre vjeçare dhe më pas u jepet leje e përhershme qendrimi.

Autor: Amarildo Topi | Redaktor: E. Xhani