1. Прескокни до содржината
  2. Прескокни до главната навигација
  3. Кон други страници на DW

Рекорди на натпреварот Хрватска - Ирска

АМ/миа/макфакс11 јуни 2012

Со двата гола постигнати против Република Ирска, Марио Манџукиќ беше најзаслужниот за победата на Хрватска на синоќешниот натпревар во групата Ц на „Мунисипал“ стадионот во Познањ. Хрватска победи со 3:1.

https://p.dw.com/p/15BuJ
Фотографија: dapd

Со синоќешната победа Хрватска се наоѓа на првата позиција во групата, бидејќи претходно европскиот шампион Шпанија и Италија во Гдањск одиграа 1:1. Хрватска натпреварот го отвори во 3-та минута преку Марио Манџукиќ. Република Ирска изедначи во 19-та минута со голот на Шон Сент Леџер. Во 43-та минута „коцкастите“ преку Никица Јелавиќ поведоа со 2:1, а конечните 3:1 ги постави Манџукиќ во 49-та минута, со својот втор гол на натпреварот.

Хрватска сјајно го одигра натпреварот во Познањ, доминираше на средината од теренот, играше со многу самодоверба и на најдобар начин ги казнуваше сите грешки на Ирците.

Fussball Irland Kroatien UEFA EURO 2012
Навивачите на Ирска останаа разочараниФотографија: dapd

На овој натпревар ирскиот селектор Џовани Трапатони на 73-годишна возраст стана најстариот селектор, кој предводел репрезентација, во историјата на Европските првенства. Рекорд постигна и Марио Манџукиќ со шеститот најбрз гол во историјата на континеталните првенства. Шон Сент Леџер, во шестиот меч кој се одигра на шампионатот, стана првиот дефанзивец кој се запиша во листата на стрелците. Напаѓачот на Хрватска, Никица Јелавиќ е само вториот играч на Евертон, по Вејн Руни, кој бил стрелец за клубот и репрезентацијата.

Денеска се играат и натпреварите од групата Д. На „Донбас Арена“ во Доњецк од 18 часот е дуелот Франција – Англија, а во 20 часот и 45 минути на „Олимпискиот Стадион“ во Киев ко-домаќинот Украина игра против Шведска.