Украинските власти од 27-ми јануари досега регистрирале 131 жртва. Меѓу нив 30 се луѓе што замрзнале дома. Во болниците се пренесени околу 2 илјади луѓе со смрзнатини, низ земјата се подигнати 3.170 центри за пружање помош, каде луѓето можат да се згреат и да добијат топло јадење.

Температурата преку ден е минус 21 степен, ноќе стигнува до минус 30 степени.

Први на удар на студот се бездомниците, за нив се организира топол оброк

Во Полска бројот жртви на студот се зголеми на 53, претежно бездомници кои често биле во алкохолизирана состојба, па прифатилиштата за бездомници решија по исклучок да ги прифаќаат и пијаните.

Во босанскиот главен град Сараево наврна снег од еден метар, на околните планини до два метри. Во Сараево е прекинат градскиот сообраќај, проодни се само некои улици во центарот на градот. Хрватскиот претседател Иво Јосиповиќ и неговиот српски колега Борис Тадиќ беа заробени во еден хотел на Јахорина.

Во Србија денеска (05.02) е објавено дека од студ починале девет лица,а едно се води за исчезнато. Во Романија бројот жртви од стидот се искачи на 34, во Бугарија на 16 лица. По двајца загинати има во Хрватска и во Грција, а по еден во Словачка, Црна Гора и во Македонија.

Хрватска под снег

Италија доживува снежен хаос невиден во последните три децении. Во Рим 400 војници и карабињери помагаа во расчистувањето на снегот во улиците.

Стотици патаници втор ден седеа во замрзнати возови и се закануваат со колективна тужба против железницата.

Рускиот енергетски концерн „Гаспром“ исклучи скорешно нормализирање на количествата гас кои ги лиферува кон Европа поради зголемената побарувачка во Русија. Концернот ги запре славините со гас за една третина помалку од вообичаените испораки во правец на ЕУ.

Автор: ЖА/ЕМФ/афп

Редактор: Е. М. Фиданоска