Baƙin haure a Lampedusa

'Tsaunin kunya'

Rashin tanade tanade na karɓar baƙin hauren Tunisiya - biyo bayan kifar da shugaba Ben Ali a watan Janerun 2011 - ya sanya baƙin ahuren da kansu kafa wani sansanin wucin gadi marsa kyau a kan wani tsauni dake kallon tshar jirgin ruwa. Mazauna tsibirin sun kira shi "tsaunin kunya".

Baƙin haure a Lampedusa

Gwajin sa'a na dindindin

Ana cika ƙananan kwalalen kamun kifi da ɗaruruwan mutane musamman cikin dare don kauce wa idanun masu tsaron gaɓar tekun Tunisiya. An saye da yawa daga cikin kwallelen ne daga masunta wasu kuma an sace su ne idan masunta suka ƙi. Farashin wannan gwajin sa'a ya kama daga euro 1500 zuwa 2000.

Baƙin haure a Lampedusa

Yada zango maras ƙarewa

Ga baƙin hauren, Lampedusa na matsayin Italiya sannan Italiya kuma na zama ƙofar shiga Turai. Sai dai da zarar sun isa tsibirin sai su yi na dama. Taƙaddama tsakanin Italiya da EU ya janyo kafa wata gurguwar manufar 'yan gudun hijira da suka tagaiyara. Hakan ya kasance farkon shiga wani yanayin rashin sanin tabbas ga baƙin hauren.

Baƙin haure a Lampedusa

Kwana kan titi

Ya zuwa ƙarshen watan Maris 2011, yawan baƙin haure ya fi na mazauna tsibirin Lampedusa. Duk da takaici da fushin haka, mazauna tsibirin sun ci gaba tarbar baƙin da hannu bibiyu inda suka riƙa ba su barguna da abinci. Wannan dai na da muhimmanci kasancewa dubban baƙin ba su da wurin kwana tsawon makonni.

Baƙin haure a Lampedusa

Bala'i cikin wani bala'i

Yayin da rikicin ya kai ƙololuwa, kace nace na siyasa tsakanin Italiya, EU Tunisiya ya shiga mummunan hali. Baƙin haure sun kasance a wani filin Allah ta'ala, ba tare da abinci da wurin kwana ba. A daidai lokacin na masu zuwa yawon buɗe ido, otel-otel sun sanar da rashin kasuwa.

Baƙin haure a Lampedusa

Shawagin jiragen sama

A farkon watan Afrilu, ma'aikatun cikin gidan Italiya da Tunisiya sun cimma yarjejeniyar dakatar da kwararar baƙin daga Tunisiya zuwa Lampedusa. An ba wa Italiya 'yancin komawa da baƙin hauren da ƙarfi, abin da ke nufin matasan da suka biya maƙudan kuɗaɗen kuma suka sanya rayukansu cikin kasada suka tsere daga Tunisiya, za a koma da su gida.

Baƙin haure a Lampedusa

Asarar rayuka

Juyin juya halin da ya faru a Tunisiya a watan Janerun 2011, shi ne mafarin iskar canji da ta kaɗa a ƙasashen Larabawa. Mutane kimanin 60,000 ba su san makomarsu ba, a lokuta da dama suna mutuwa a tekun Bahar Rum akan hanyarsu ta zuwa Turai ta tsibirin Lampedusa. Har yau dubbai na tashi daga Libiya da Tunisiya zuwa Turai.

Baƙin haure a Lampedusa

Korar baƙi

A ƙarshen watan Maris 2011, an fara tura jirgin ruwan yaƙin Italiya zuwa Lampedusa don fara kwashe dubban 'yan Tunisiya da suka tagaiyara. An tura su zuwa sansanoni dake cikin Italiya. Waɗanda ba su da dangi a Turai ko kuɗin ɗaukar nauyin kansu an koma da su Tunisiya.

Baƙin haure a Lampedusa

Baƙin sashe na juyin juya halin Larabawa

Bayan kwararar baƙin farko, an yaɗa labarin cewa masu tsaron gaɓar tekun Tunisiya da Italiya za su rufe hanyar shiga Lampedusa. Amma jin kaɗan bayan boren Libiya a Febrerun 2011, ba a ga ƙarshen baƙi da 'yan gudun hijira Lampedusa ba. Daga cikin mutane 60,000 da aka ƙiyasce sun tsallake tekun Sicilly, fiye da 2,000 suka rasa rayukansu a cikin teku.

Baƙin haure a Lampedusa

An rufe

A Satumban 2011, wani gungun 'yan gudun hijira sun cinna wuta a cibiyar karɓar baƙi a Lampedusa. Lamarin ya sa an tuna da halin da aka shiga farko a tsibirin. Italiya ta yi kira da a rufe cibiyar har abada. Har yanzu wannan cibiya tana rufe.

Baƙin haure a Lampedusa

Tura ta kai bango

Italiya ta ayyana Lampedusa da cewa bai dace da tsaron baƙin haure ba. Hakan ya rage yawan bakin dake shiga tsibirin. Sai dai an yi aikata ta'asa. Wani mai shirya fim na labari ɗan Italiya ya ce ya ga hukumomin Italiya suna muzguna wa wasu baƙi a cikin jirgin saman Alitalia. Hukumomin Italiya sun yi watsi da wannan zargi.

Mawallafi: Gaia Anderson | Edita: Mohammad Awal