Bota

Rusia e Kina refuzojnë rezolutën për Sirinë

Në Nju Jork u zhvillua një seancë e posaçme për situatën në Siri dhe miratimin e një rezolute kundër regjimit të Assad-it. Ndërkohë forcat ushtarake siriane kanë verpuar dhunshëm ndaj civilëve duke lënë qindra të vdekur.

Opozita siriane i kërkon OKB-së të veprojë

Kundërshtarët e Putinit jo të bashkuar

Me protestat, lëvizja anti-Putin dëshmoi guxim. Por edhe kandidati i padëshiruar për president mobilizoi ithtarët e tij. Kjo bën që shkurti të jetë një muaj i nxehtë në Rusi.

SHBA qëndrojnë pas planit të NATO-s

Germany Today

Bota

Mosmarrëveshje për Sirinë në KS të OKB-së

Përpjekjet për një rezolutë për Sirinë në OKB dështuan nga vetoja e Rusisë dhe e Kinës. Kjo pritej – e megjithatë është më shumë se zhgënjyese, vëren në komentin e tij Daniel Scheschkewitz.

Burgim i përjetshëm për shefin e Kmerit të Kuq

Në foto, Kaing Guek Eav, i njohur si Duch (në mes)

Pas më shumë se tridhjetë vjetësh autorët e krimit po gjykohen. Një grup burrash të thinjur ndodhen në Tribunalin e OKB-së për gjenocidin në Kamboxhia.

Trysni në rritje ndaj Putinit

Protestues kundër Putinit në 4 shkurt 2012

Megjithë të ftohtin e hidhur dhjetëra mijëra vetë do të protestojnë sërish në Moskë dhe qytete të tjera ruse për zgjedhje të ndershme. Një muaj para zgjedhjeve presidenciale protestat shtojnë trysninë mbi Putinin.

NATO diskuton për misionet në Kosovë dhe Afganistan

Takimi i Ministrave të Mbrojtjes të NATO-s.Thomas de Maizière: „Ushtarët vetëm mund ta stabilizojnë situatën, por problemin mund ta zgjidhë vetëm politika, në radhë të parë përmes bisedimeve mes Kosovës dhe Serbisë"

Konferenca e Mynihut për transformimet globale

Në Konferencën e 48-të Sigurisë politikanë, diplomatë dhe gjeneralë po diskutojnë çështje të sigurisë globale. Kjo me gjithë arkat e zbrazëta. Një epokë e re çarmatimi nuk duket në horizont.

Trazira me të vdekur në Egjipt

Pas përleshjeve të tifozëve në stadium u njoftuan të paktën 74 të vdekur dhe 1.000 vetë janë plagosur. Janë trazirat më të rënda në qytetin egjiptian Port Said.

Opozita siriane i kërkon OKB-së të veprojë

Në Këshillin e Sigurimit të OKB-së u debatua gjatë të martën për një rezolutë për dhunën e vazhdueshme në Siri.

NATO në transformim

Themelimi

Më 4 prill 1949 në Uashington u themelua NATO (North Atlantic Treaty Organization). Shkas ishte fillimi i Luftës së Ftohtë dhe frika nga ndonjë sulm sovjetik ndaj Perëndimit. Në rast të një sulmi të armatosur ndaj një vendi anëtar, marrëveshja parashikon mbështetje reciproke nga një shtet tjetër, që ka nënshkruar marrëveshjen. Selia e NATO-s u vendos në Paris.
NATO në transformim

Anëtarët

Aleanca më e fuqishme ushtarake në historinë e njerëzimit ka ndryshuar fuqishëm gjatë 60 viteve të shkuara. Pas fundit të Luftës së ftohtë NATO evoluoi nga një aleancë mbrojtëse në një fuqi të ruajtjes së rendit. Numri i përgjithshëm i anëtarëve ndërkohë ka arritur në 28 shtete.
NATO në transformim

Tërheqje dhe transferim

Në vitet 1950, për shkak të SHBA-së si superfuqi botërore e plotfuqishme lindën mosmarrëveshje mbi strategjinë, ndarjen e shpenzimeve, të drejtën e bashkëvendosjes dhe rolin e NATO-s. Më 1 korrik 1966 Franca u tërhoq nga organet ushtarake të NATO-s, por mbeti anëtare e Aleancës. Si pasojë e mosmarrëveshjeve, në vitin 1967 nën presionin e SHBA-së selia e Natos u transferua nga Parisi në Bruksel.
NATO në transformim

Traktati i Varshavës

1955 RFGJ pranohet në NATO me sovranitet të zgjeruar dhe me forcat e veta të armatosura – Bundesverin. Nga ana tjetër krijohet Traktati i Varshavës – Aleancë Ushtarake e Bllokut Lindor (Bashkimi Sovjetik, Bullgaria, Hungaria, Polonia, Rumania dhe Shqipëria) Ky traktat (1955 – 1991) nën drejtimin e Bashkimit Sovjetik ishte kundërpoli i NATO-s gjatë Luftës së Ftohtë.
NATO në transformim

NATO-Vendim i dyfishtë

Më 12 dhjetor 1979 përmes bisedimeve Traktatit të Varshavës iu ofrua kufizimi reciprok i raketave atomike me rreze të mesme veprimi. Në rast të dështimit të bisedimeve duhej të pasonte „armatimi i mëtejshëm“. Në fillim të viteve 1980 qindra mijëra vetë dëmonstruan kundër synimit për dislokimin e raketave të reja amerikane të territorin gjerman. Po kështu u protestua edhe në Hofgarten në Bon.
NATO në transformim

Ndryshime

Ribashkimi i Gjermanisë, rënia e Bashkimit Sovjetik dhe ndryshimet politike në Evropën Qendrore dhe Lindore qysh nga 1989 çuan në kthesën e politikës së sigurisë në Evropë. Armiku i aleancës perëndimore tashmë nuk ekzistonte dhe ndër shtetet e NATO-s u hap diskutimi se si duhej reaguar ndaj situatës së re.
NATO në transformim

Çtensionim

Më 1990 partnerët e aleancës vendosën të ftojnë shtetet e Traktatit të Varshavës për t’ u dhënë fund rivalitetetve dhe për të deklaruar dorëheqjen nga dhuna. Ky hap u ndërmorr në kuadrin e KSBE-së (Konferenca për Sigurinë dhe Bashkëpunimin në Evropë) në nëntor 1990 në Paris. (Në fotografi: Presidenti i SHBA-së Gerog Bush (I) dhe sekretari i parë i KQ të BS, Mihail Gorbaçov)
NATO në transformim

Shpërbërja

Pas shpërbërjes përfundimtare të Traktatit të Varshavës në korrik 1991, NATO vendosi një strategji të re për sigurimin e paqes. Për vazhdimësinë e shkëmbimeve mbi çështjet e sigurisë në 1991 u krijua Këshilli i Kooperimit, i përbërë nga anëtarët e NATO-s dhe ish-anëtarët e Traktatit të Varshavës. (Në fotografi: Mbledhja e jashtëzakonshme për shpërbërjen e Traktatit të Varshavës)
NATO në transformim

IFOR - SFOR

Pasi iu dha fund konfliktit në Bosnje – Hercëgovinë përmes Marrëveshjes së Dejtonit në nëntor 1995, NATO me vendimin e Këshillit të Sigurimit të OKB-së mori përsipër drejtimin e trupës ndërkombëtare për sigurimin e paqes, „Implementation Force“ (IFOR). Kjo trupë vazhdoi si „Stabilizations Force“ (SFOR) deri në vitin 2004.
NATO në transformim

Misionet jashtë territorit

Ndër orientimet e reja të NATO-s bën pjesë edhe marrëveshja e gatishmërisë për të ndërmarrë misione jashtë territorit të vet aleancës (out of area), kur këtë e kërkon gjendja e sigurisë dhe Këshilli i Sigurimit i OKB-së jep miratimin. Sulmet ajrore të NATO-s në prill 1999 kundër Jugosllavisë gjatë luftës së Kosovës (pa mandat të OKB-së) ngjallën kritika të forta ndërkombëtare.
NATO në transformim

11 Shtatori 2001

Pas sulmeve terroriste ndaj World Trade Center në Nju Jork dhe ndaj Pentagonit në Uashington më 11 shtator 2001 NATO zbatoi për herë të parë në historinë e saj „rastin e aleancës“ bazuar në nenin 5 të Marrëveshjes së NATO-s. Me këtë sulmi kundër SHBA-së u konsiderua si sulm kundër të gjitha shteteve anëtare.
NATO në transformim

Afganistani-Trupa e mbrojtjes

Trupa Ndërkombëtare për Mbështjeten e Sigurisë ISAF (International Security Assistance Force) është që nga 2001 një mision për sigurinë dhe rindërtimin në Afganistan. Kjo trupë fillimisht u mbështet dhe u drejtua vetëm nga një grup shtetesh, ndër to edhe Gjermania. Prej 2003 ISAF ndodhet nën drejtimin e NATO-s, që me këtë mision përfundimisht është shkëputur nga territori i verpimit në Evropë.
NATO në transformim

Vendosje urash

Fotografi familjare me një zonjë: kryetarët e shteteve dhe të qeverive të 28 vendeve të NATO-s në prill 2009 festuan në „Brücke der zwei Ufer“ (Ura e dy brigjeve) në Kehl të Gjermanisë dhe në Strazburg të Francës kthimin e Francës në strukturat komanduese të aleancës.
NATO në transformim

Organizimi

NATO përbëhet nga një strukturë civile dhe një ushtarake. Këshilli i Atlantikut Verior është forumi më i lartë vendimmarrës krahas Komisionit të Planifimkimit të Mbrojtjes dhe Grupit për Planifikimin Bërthamor. Kryesimin në të tria forumet civile e ka Sekretari i Përgjithshëm, i cili që nga viti 2009 është Anders Fogh Rasmussen. Organi më i lartë ushtarak është Komisioni Ushtarak.
NATO në transformim

Strategjia e re

Samiti i NATO-s në Lisbonë (19.11-20.11.2010) vendosi një koncept të ri strategjik: miratohet strategji e re si vazhdim i strategjisë së 1999. Risitë janë: krijimi i mbrojtjes nga raketat, mundësisht me Rusinë, përqëndrimi i fortë kundër piraterisë në internet, si dhe operacionet mbarëbotërore.

Realizimi Anne Clauberg/Vilma Filaj-Ballvora
Redaktoi: Auron Dodi