Панорама

Копродукциите носечки за македонскиот филм

Македонија на Берлиналето успешно се претстави во секцијата Панорама и во селекцијата филмови за деца-Генерација, и тоа главно со копродукции, кои се белег на настапот на Маркетот.

Адел- големa победничка на „Греми“ наградите

Соул пејачката Адел е најголем победник на годинешното доделување на најпрестижната награда во музичката индустрија - „Греми“

Берлински аплауз за „Жената што ги избриша своите солзи“

Премиерата на филмот за двете мајки на Теона Стругар Митевска доби аплауз во киното „Интернационал“, со што првата македонска презентација на Берлиналето може да се каже дека е успешна.

Наука, техника, медицина

Културен календар

Почина Витни Хјустон

Поп легендата Витни Хјустон е пронајдена мртва во хотел на Беверли Хилс. Почина на возраст од 48 години. Причините за смртта се испитуваа до доцна во ноќта.

Премиера на „Жената што ги избриша своите солзи“ на Берлинале

Вечерва со почеток во 20 часот светска премиера ќе има македонскиот претставник на Берлиналето - филмот „Жената што ги избриша своите солзи“ на Теона Стругар Митевска.

Ова е „Новинарската фотографија на годината“

Фотографија, која ја отсликува „Арапската пролет“, е избрана за Новинарска фотографија за 2011 година. Таа пренесува емоционални моменти на една состојба, која се развиваше, смета жирито.

„Сајбер“ светот на средба во Бразил

Компјутерски фанатици и фанови на најнеобични технички пронајдоци од целиот свет во моментов се собрани во Сао Паоло. Таму се оддржува т.н „Кампус парти“, компјутерски саем од посебен вид.

80-ти роденден на најскапиот уметник на светот

Герхард Рихтер не е само најскапиот, туку и еден од најзначајните денешни уметници. Својот 80-ти роденден го слави онака како и што отсекогаш живее-скромно и тивко.

Берлинале

Филмови во Берлин

Филмови, филмови, филмови! Главниот град на Германија годинава по 62. пат од 9. до 19. февруари е домаќин на Меѓународниот филмски фестивал. Светски ѕвезди и наградувани режисери од целиот свет се собираат на Берлиналето. Фестивалот е во рангот на прочуените филмски смотри во Кан и во Венеција.
Берлинале

Гламур и политика

Во Берлин се очекуваат повеќе од 300 илјади љубители на филмови на проекции во киносалите ширум градот. Зенит на секој ден е вечерниот гала настан во познатата „Палата на Берлиналето“ -„Berlinale Palast“ (фото), каде обожувателите можат да ги видат светските филмски ѕвезди на црвениот килим.
Берлинале

Кралски сјај

Покрај сјајот и гламурот и политиката е составен дел на фестивалот. Освен холивудските ѕвезди, Берлиналето е познато и по претставување на политички и општествено ангажирани филмови. Филмот на отворањето на фестивалот „Збогум моја кралице“ на Беноа Жако го прикажува живтот на францускиот кралски двор во 18. век и почетокот на Француската граѓанска револуција.
Берлинале

Германски филмови

Германските филмови годинава се сериозни конкуренти во трката за главните фестивалски награди- Златната и Сребрените мечки. Некои од најпознатите режисери од германското говорно подрачје - Кристијан Пецолд,Матијас Глазнер и Ханс Кристијан Шмит ќе ги претстават своите најнови филмови. „Дома за викенд“, (фото), филмот на Шмит е приказна за семејна криза.
Берлинале

Контроверзен кинеско- американски филм

Ќе биде прикажан и филмот „Цвеќе на војната“ на прочуениот кинески режисер Жанг Јимоу. Станува збор за кинеско-американска копродукција со холивудската ѕвезда Кристијан Бејл (фото) во главната улога. Филмот говори за кинеско-јапонската војна од 1937. година. „Цвеќе на војната“ веќе се прикажува во Кина , а филмските критичари во светот го опишуваат како националистичка пропаганда.
Берлинале

12. фестивал на Кослик

Директор на Берлиналето по 12. пат е Дитер Кослик. Тој често е критикуван за изборот на филмови. И годинава нема да де појават големи имиња од филмската индустрија. Конкуренцијата меѓу фестивалите кои сакаат да привлечат големи ѕвезди е огромна а со оглед дека доделувањето на Оскарите е на крајот на февруари, многумина се колебаат да дојдат во Берлин.
, mnogi oklevaju da dođu na Berlinale.
Берлинале

Мајк Ли- претседател на жирито

Претседателот на стручното жири кое на 18. февруари ќе ја додели Златната мечка е Мајк Ли. Тој е единствен претставник на општествено ангажираната филмска уметност. Многу негови филмови сместени во мал интимен, приватен простор, откриваат и испраќаат пораказа општествените неправди. Овој режисер е освојувач на врвни признанија на фестивалите во Кан и во Венеција.
Берлинале

Режисерско деби на Анџелина Џоли

Главната натпреварувачка програма со 18 светски премиери е само дел од фестивалот. Во различни филмски селекции ќе бидат прикажани околу 400 филмови. Меѓу нив е и режисерскиот првенец на актерката Анџелина Џоли- „Во земјата на крв и мед“, која во многу земји на Балканот предизвика жестоки полемики.
Берлинале

Форум- светски филмски остварувања

Во рамките на секцијата Форум ќе бидат прикажани филмови од Азија, Јужна Америка и Африка. Тоа е честопати терен за иновативни „политички“ филмови. Филмот „Скромен прием“ (фото) на Мани Хагиги од Иран е приказна за богата брачна двојка која дели пари ширум земјата. Провокативен филм од земја која неретко ги попречува своите филмски автори.
Берлинале

Панорама- разновидни филмови

Втора по големина секција на Берлиналето е „Панорама“, која претставува интернационална програма. Таа ќе биде отворена со „Индигнадос“ (фото) на Тони Гатлиф , филм базиран на есејот на Стефан Есел- „Time for Outrage!“ . Филмот комбинира документарни и играни секвенци во метежот на европското општество.
Берлинале

Ретроспективи

Берлиналето секогаш има и издвоена селекција за ретроспективи. Годинава тоа се филмови состадени во германско-руското студио Мешрабпом меѓу 1922. i 1936. Во тој период се снимени повеќе од 600 филмови,често храбри ескперименти, но и дела многу популарни и за широка публика. Еден од тие хитови е „Крај Санкт Петерсбург“ (фото) на Пудовников.
Берлинале

Кулинарски филмови

Секцијата „Кулинарско кино“ е иницијатива на директорот на фестивалот Дитер Кослик. Таа комбинира две негови страсти: филмот и готвењето. Оваа селекција е многу популарна кај публиката на Берлиналето и тешко е да се пронајде карта за проекциите.
Берлинале

Ѕвезди во Берлин

Секоја година Берлиналето им оддава почит на познати глумци, претставувајќи серија нивни филмови. Годинава таа чест и припадна на Мерил Стрип. Американската актерка годинава е номинирана за Оскар за улогата во „Челичната лејди“. таа сепак ќе дојде во Берлин каде ќе бидат прикажани и нејзините класици како „Моја Африка“ (фото) со Роберт Редфорд.
Берлинале

Студиото Бабелсберг слави 100 години

Стофодишнината на познатото филмско студио кај Берлин- Бабелсберг, мораше да биде одбележана на Берлиналето. Во ова студио се снимени многу класици а и денес таму работат познати режисери како Роман Полански. Многу сцени од неговиот филм „Пијанист“ (фото) од 2002. се снимени токму во
Студиото во Бабелсберг.
Берлинале

Германските филмови добро претставени

Како што фестивалот во Кан ги претставува француските а оној во Венеција италијанските така Берлиналето ги претставува германските филмови.
Селекцијата „Перспективни германски филмови“ прикажува и некои нови филмски таленти како режисерот Јан Шпекенбах и неговиот филм „Reported Missing“ (фото).
Берлинале

Филмска гозба

До крајот на фестивалот тешко ќе може да се процени каква ќе биде 2012. година во филмската индустрија. Едно е сигурно сите 11 денови на Берлиналето се полни со страствени дебати за филмовите а сигурно не недостасуваат ниту илјадниците посетители кои традиционално Берлиналето го прават најпосетен филмски фестивал во светот од А категорија.