Евровизија 2012

Кристална арена

Мултифункционалниот комплекс од затворен тип е изграден за Евросонгот. Азарбејџанските власти им ја доверија изградбата на Германците, кои ги завршија работите во предвидениот рок. Колку чинеше изградбата? Нарачателите велат - шест милиони евра.

Евровизија 2012

Се‘ во знакот на Евровизија

Во Баку престојуваат голем број гости, почнувајќи од самите учесници, кои ќе се подготвуваат за настап до 22 мај. Целиот град е во знакот на Евровизија, како овој автомобил. Се вели дека Баку е најубав ноќе, што поради светлата, што поради изненадувањето што ги подготвија организаторите на Евросонг.

Евровизија 2012

Новинари од цел свет

Бројот на акредитирани новинари одамна преминува илјада. Не доаѓаат новинари само од земјите учесници, туку и од Австралија, Америка и Блискиот Исток.

Евровизија 2012

Зелен простор

Green room е специјално заградениот простор, наменет само на учесниците на Евросонг. Тој е подготвен. Треба да се отстрани само уште пластичната фолија. И се разбира не е „зелен“, иако можеби поради осветлувањето од последната генерација тоа и ќе биде во текот на преносот.

Евровизија 2012

Калиопи

Калиопи е позната на просторот на бивша Југославија. „Црно и бело“ е песната што ќе ја изведе во втората полуфинална вечер, на 24 мај. Дали и остатокот на Европа ќе го препознае нејзиниот талент, ќе се види. Ако се суди според досегашните реакции на евровизиските фанови, Калиопи би се нашла дури на 35-то место.

Евровизија 2012

Четвртиот обид на Жељко

„Лане мое“, „Лејла“, „Оро“ и сега „Љубовта не е предмет“ - уште еден обид за победа на Жељко Јоксимовиќ, чиј стил е веќе вброен меѓу препознатливите евровизиски мелодии. Кладилниците и набљудувачите не исклучуваат дека тоа би било можно. Тврдат дека во најмала рака би освоил петто место.

Евровизија 2012

Ти ги знам чекорите

И Маја Сар има големо евровизиско искуство. Ова ќе и‘ биде трето учество на Евросонг. Минатата година беше дел од евровизиската еуфорија, но како пратечки вокал на Дино Мерлин. Сега на Евросонг оди самостојно. Според кладилниците, не се прогнозира нејзин пласман во финалето.

Евровизија 2012

Без голема помпа

Нина Бадриќ е една од најпопуларните пејачи од просторите на бивша Југославија. Многумина беа изненадени со нејзиниот избор за хрватски претставник. „Небо“ е најзина авторска композиција. Се прогнозира дека би го освоила 32-то место.

Евровизија 2012

Евровизиски аутсајдер

Можеби песната на култниот црногорски интерпретатор Рамбо Амадеус ќе биде полн погодок во време на криза. Случајно или не, токму „Евро невро" ќе го отвори 57. Евросонг. Кладилниците сепак го рангираа на самото дно (40. место).

Евровизија 2012

Романовите предности и мани

Иако не сметаат на победа, Германците се надеваат дека Роман Лоб ќе оствари добар пласман. „Standing still" не одушевува претерано. Прогнозите велат дека Роман ќе го освои 10. место.

Евровизија 2012

Light Your Fire

Многу новитети на овогодишниот Евросонг нема. Интересен е податокот дека оваа година има четворица евровизиски повратници - Жељко Јоксимовиќ (Србија), Jonsi (Исланд), Калиопи (Македонија), Jedward (Ирска).

Автор: Јаков Леон / Елизабета Милошевска Фиданоска | Редактор: Александра Трајковска