Dashuria me rreziqe Serbi - Rusi
Pas vizitës së Putinit në Beograd bashkëpunimi është intensifikuar ushtarak midis dy aleatëve tradicionalë. Berlini duket se është i shqetësuar nga politika e luhatur serbe mes Moskës dhe BE-së.
Tanket jugosllave sërish në lëvizje
Në tetor në Serbi u zhvillua një paradë ushtarake për nder të Putinit, për herë të parë pas disa dekadash. Shkas për këtë ishte 70 vjetori i çlirimit të përbashkët sovjetiko-jugosllav të Beogradit. Sipas sondazheve shumica e qytetarëve serbë kanë besim më së shumti tek forcat e armatosura.
Simpati për Vladimir Putinin në Beograd
Vizita e presidentit rus ndezi një entuziazëm të madh prorus në Serbi. Për shumë qytetarë të vendit të varfër ballkanik, Putin është projektim i shpresës.
Stërvitje ushtarake e aleatëve
Javën e shkuar u zhvillua një stërvitje e përbashkët e njësive ushtarake ruse dhe serbe, rreth 50 kilometra larg nga kufiri serbo-kroat, që shënon njëkohësisht edhe kufirin e jashtëm të NATO-s.
Pajisjet ushtarake ruse u sollën me avion
Për shkak se Serbia dhe Rusia nuk kanë një kufi të përbashkët, u sollën me avion nga Rusia pajisjet ushtarake. Serbia është anëtare e programit të NATO-s, "partneritet për paqe", por shumica e qytetarëve është kundër anëtarësimit në NATO. Kjo lidhet me kujtimin e sulmeve ajrore të NATO-s në Serbi në vitin 1999.
Vëllezër të krishterë ortodoks
Pasi u theksua afiniteti politik mes vendeve, erdhi në radhë simbolika fetare. Patriarku ortodoks rus, Kirili I vizitoi në mesin e nëntorit partriarkun serb, Irinej I.
Bashkë në kohë krizash
Patriarku ortodoks rus, Kirili I dha bekimin për një monument të carit të fundit rus, Nikolajit II (1894-1917) në kryeqytetin serb, Beograd.
Mbishkrime proruse në alfabet cirilik
Shitësit ambulantë e kanë zbuluar shpejt simpatinë qytetarëve për Rusinë dhe ofruan menjëherë T-shirts me mbishkrime rusisht. Shitja është shumë e mirë.
Serbia shpreson për "South Stream"
Vendi kandidat në BE, Serbia është tradicionalisht aleati më i ngushtë i Rusisë në Ballkan. Të dy vendet i lidh feja ortodokse, të dy luftërat botërore, dhe bashkëpunimi ekonomik gjithnjë në rritje. Beogradi shpreson avantazhe ekonomike nga ndërtimi i gazsjellësit "South Stream", që shihet me sy kritik në Bruksel.
Njeriu që prek zemrën e zgjedhësve
Nacionalisti serbomadh Vojislav Šešelj i liruar nga Tribunali i Hagës në kthimin në Beogradi preku votuesit në një pikë: Kosova është pjesë e Serbisë, si Krimeja është pjesë e Rusisë. Beogradi e refuzon pavarësinë e Kosovës, Rusia bllokon pranimin e Kosovës në OKB.
Rrezik për Serbinë
Kryeministri serb Aleksandar Vučić, ish-nxënësi politik i Šešeljs do ta fusë Serbinë në BE, pa e ftohur marrëdhënien me Rusinë. Kjo nuk do të jetë e lehtë. Kancelarja Merkel ka kritikuar se veprimet e Rusisë po rrezikojnë rendin e sigurisë në Europë. Për Serbinë ajo sheh rreziqe të specifike, paralajmëroi Merkel në Sydney.