Koren launi a Afrika

Hangen kauyuka daga nesa

Ana iya ganin wannan launi a jikin bangon gidajen bukka na gargajiya a yankin gabashin Cape. Inda ka ke hangen kauyen Qunu, mahaifar Nelson Mandela. Sauran manyan gidan basu da tasiri kamar wadanda aka yi wa ado da koren launi. Hakan ya sanya yankin cikin jerin wuraren yawon shakatawa ga matafiya dake ziyartar kasar Afrika ta kudu.

Koren launi a Afrika

Fitaccen launi a nahiyar Afrika

Kore mai haske, launi ne da ke da farin jini a nahiyar Afrika, wanda ake iya gani a dukkan birane: Kama daga Afrika ta kudu zuwa tsibirin Zanziba dake kasar Tanzaniya…

Koren launi a Afrika

Hotunan kan tituna

… Ko kuma a kasar Angola kamar yadda yake a birnin Addis Abeba fadar kasar Ethiopiya

Koren launi a Afrika

Launin dake bayyana muhimman abubuwa

Kama daga kore mai haske, mai duhu zuwa wani nau'i na wannan launi: Ana iya ganinsa a yanayi daban daban. Wani dan kasuwa dake garin Zinder a yankin kudancin Nijar, ya zabi launukan kore daban daban wa sabon gidansa: "Ina kaunar launi kore, saboda a gareni kore na nufin ci gaba, kasancewar kore ne launin gonaki, ba kamar sahara ba.... wannan shi ne rayuwa".

Koren launi a Afrika

Launin dake da dalilin kaunarsa

Daga bangaren mabukatu, amsar ita ce: kore mai haske, launi ne dake da saukin saya, yana jure radadin rana kazalika ruwa. Kwararru a fannin masana'antun Penti sun bayyana shi da kasancewar mai saukin sarrafawa.

Koren launi a Afrika

Koren gidan Rediyo

Ba kamar sauran launuka da ake yawaita amfani dasu ba, kore launi ne dake jure ko wane yanayi ba tare da ya samu matsala ba. Kore mai haske yana jure tabo kamar yadda yake akan siminti. Kazalika gidan Rediyon Esperanca- Lichinga da ke alaka da DW a kasar Mozambique, an penta shi ne a wannan fitaccen launi.

Koren launi a Afrika

Launin dake da alaka da addini

Mutane da yawa na sha'awar kore mai haske kamar ruwan pauda mai haske, wanda shi ma ya ke da rangwame - wanda kuma akan zaba idan babu kore. Musulmi sun yi imani da kore a matsayin kallar Manzon Allah, ga christoci kuma shine kalar tasowa daga matatt, a Ethiopiya an penta rufin ginin majami'un Orthodox da ke patina a wannan launi na kore.

Koren launi a Afrika

Yana da kyau ga ruhin dan Adam?

Marubucin wakoki na kasar Jamus Johann Wolfgan von Goethe, tun daga shekara ta 1810, ya nunar da muhimmancin kore da cewar "Idanunmu suna samun cikar buri. Mutum baya muradin ci gaba, kana mutum ba zai iya shigewa ba. Haka lamarin yake ga dakunan da aka zabar wa pentin bangonsu koren launi". Ita ma jami'ar Monrovia da ke kasar Liberiya ta amince da wannan launin bango.

Koren launi a Afrika

Koren gidan wasannin gargajiya

Kwararru sun yi bayanai masu muhimmanci kan kore. Kamar yadda Editocin DW suka yi karo da shi lokacin taron kara wa juna sani a Togo. A harabar cibiyar wasannin gargajiya da ake kira "À nous la planète" sun yi gwajin wasan kwaikwayon da ya lashe lambar yabo na farko, akan shirin ilimantarwa na " ji ka karu". Watakila koren launin dake jikin bangon cibiyar na da akala da nasarar da aka samu.

Koren launi a Afrika

Launin sake ginin kasa

A kasar Somaliya, launin kore yana da wata manufa daban: Ya kasance launi ne na sake ginin birnin Mogadishu, babban birnin kasar, bayan sama da shekaru 20 na yakin.

Mawallafi: Claus Stäcker/ Maja Braun/ Zainab Moh'd Abubakar | Edita: SUS