1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Badakalar kisan yara a Ostareliya

Yusuf BalaDecember 20, 2014

An kama wata mata a kasar Ostareliya saboda kisan wasu yara takwas, bakwai daga cikinsu 'ya'yan da ta haifa kamar yadda 'yan sanda suka bayyana a yau Asabar.

https://p.dw.com/p/1E80I
Australien Kriminalität Acht Kinder in Cairns erstochen
Hoto: picture-alliance/AP Photo/G. Bint

Ana tsare da matar nan 'yar Ostareliya kan mutuwar yara takwas, wadanda bakwai daga cikinsu suka kasance 'ya'yan matar daya kuma 'yar riko.

Matar mai shekaru 37 wacce ke samun sauki a gadon asibiti saboda raunuka da ta samu a jikinta, 'yan sanda na mata tambayoyi tare da sanya idanu a kanta kamar yadda Bruno Asnicar sifeton 'yan sanda a Queensland ya bayyana.

Ko da yake a cewar Asnicar ba a kai ga cajin matar ba, amma 'yan sanda na gudanar da bincike dan sun gano wukake da dama a gidan wadanda suke ganin anyi amfani da su wajen kisan yaran

Yaran dai maza hudu ne mata hudu kuma suna tsakanin shekaru biyu zuwa goma sha hudu. Bakwai 'ya'yan matar yayin da daya ta kasance 'yar 'yan uwanta. Dukkanin yaran dai an ga gawarwakinsu ne a gidan matar.