1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An kwashe mata da kananan yara daga Yola

Muntaqa Ahiwa daga Yola/SBMay 21, 2015

Hukumar bada agajin gaggawa ta Najeriya NEMA, ta tabbatar da kwashe wasu mata da kananan yara akalla 275 daga sansanin gudun hijira da su ke ciki a Yola.

https://p.dw.com/p/1FTxa
Nigeria,Yola Malkohi Flüchtlingscamp Bild 8
Hoto: DW/Jan-Philipp Scholz

Jami'in hukumar na jihar Adamawa Malam Saad Bello, ya ce ofishin mai bada shawara kan harkokin tsaron kasa ne ya kwashe mata da yaran a jiya Laraba, sai dai shi ma jami'in bai san takamaiman wajen da aka kai su ba a halin yanzu.

Rashin sanin wajen da mutanen su ke dai na ci gaba da zama abin muhawara a jihar ta Adamawa, wadda ko a bayan-bayan nan ma ta fuskanci harin kunar bakin wake a kasuwar garin Garkida dake arewacin jihar, harin da aka dora alhakinsa a kan 'yan Boko Haram.