1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

An hallaka 'yan IS 500 a wata guda

Ahmed SalisuOctober 23, 2014

Rahotanni daga Kobani inda ake dauki ba dadi da dakarun kawancen da Amirka ke jagoranta da kungiyar nan ta IS na cewar an hallaka 'yan IS din kimanin 500 cikin wata guda.

https://p.dw.com/p/1DbIN
Kämpfe um Kobane 15.10.2014
Hoto: AFP/Getty Images/Aris Messinis

Kamfanin dillancin labarai na AFP da ya bada wannan labarin ya ce galibin wanda suka rasu din sun gamu da ajalinsu sanadiyyar hare-haren da ake kaiwa ta sama da kuma irin farmakin da dakarun Kurdawa ke kai musu.

Baya ga wanda suka rasu, wasu mayakan da dama sun jikkata kazalika rahotanni na cewar fararen hula da yawa ma sun rasu a wannan yukuri da ake na karya kashin bayan 'yan IS din.

Wannan dai na zuwa ne bayan da a Larabar da ta gabata Turkiyya ta amincewa dakarun Kurdawa daga Iraki su dari biyu da su shiga ta cikin Turkiyyan don isa yankin Kobani don fuskantar 'yan kungiyar ta IS.