1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Aiki da yarjejeniyar tsagaita wutar Ukraine

Ahmed SalisuSeptember 30, 2014

Kungiyar tarayyar Turai ta nemi da a yi aiki yadda ya kamata da yarjejeniyar tsagaita wuta da aka cimma tsakanin 'yan aware a gabashin Ukraine da kuma gwamnatin Ukraine din.

https://p.dw.com/p/1DNkr
Petro Poroschenko 25.09.2014 Kiew
Hoto: Reuters/Valentyn Ogirenko

Kungyiar ta EU ta bayyana hakan ne bayan da jakadun kasashen da ke cikinta suka yi wani taro a yau don bin diddigin halin da ake ciki a Ukraine din inda mai magana da yawun kungiyar Maja Kocijancic ta ce an samu cigaba a wasu bangaren yarjejeniya da aka cimma a birnin Minsk amma kuma akwai bukatar ganin aiwatar da wasu sassa na yarjejeniya yadda ya kamata.

Ms Kocijancic ta ce nan gaba kadan kungiyar ta EU ta za duba yiwuwar sassauta takunkumin da kakabawa Rasha dangane da wannan rikici ko ma jingine shi baki dayansa in har yanayin da aka gani a kasa ya tanadi a yi hakan.